ALFIN. PROXECTO CLEPSIDRA.

En Grecia e Roma, para medir o tempo nos discursos usábase un antigo reloxo de auga chamado clepsidra. Nos principios metodolóxicos da lei actual plásmase a necesidade de deseñar actividades de aprendizaxe integradas utilizando a metodoloxía de proxectos a través da biblioteca. Neste blog desenvólvese un proxecto documental integrado que introduce as ecuacións diferenciais, dando un caracter propedéutico ao cálculo estudado en bacharelato, para o deseño e creación de clepsidras, o seu contexto histórico, así como a demostración empírica da constancia na velocidade de descenso da auga nelas. A biblioteca escolar será o núcleo central do proxecto.